الشخشوخة هي أكلة شعبية جزائرية مشهورة وخصوصا في مدينة بسكرة والمدن المجاورة لها، تُطبخ في المناسبات والأعياد وهي عبارة عن عجينة تخلط من القمح اللين ثم تقطع إلى قطع صغيرة وتفتح القطعة الصغيرة بلوحة دائرية خاصة بترقيق العجائن وتطهى في إناء حديدي .

نبدا بالعجينة المقادير
كيلو سميد رقيق شوي ملح
الطريقة نخلط الملح والماء ونلوحو الماء بالشوية ونعجنوها كيما الكسرة ونبقاو انزيدو في الماء كلما انحسو العجينة شربت الماء مدة 10 دقائق نتركها ترتاح 5دقائق ثم نواصلوا باضافة الماء بالشوية حوالي 15 دقيقة العجينة اتولي ماتلصقش باليد وفي نفس الوقت معلكة يعني كيما العلك
انغطيها بالبلاستيك ونتكها ترتاح من 15 الى 20 دقيقة ونعود اليها ونكورها الى حبات صغيرة باستعمال شوية زيت ونتركها ترتاح نصف ساعة
انجيبو طاجين انتاع حديد او مقلاة كبيرة وانديرو فوقها 5 ققطرات زيت على نار هادئة جدا ونبداو نفتحوها كيما الكسرة باستعمال شوية زيت كل مرة ونلوحوها اتطيب
كي اطيب على الجهة 1 انقلبها وانكون وجدت الثانية انلوحها فوقها وهكدا حوالي 7 طبقات
وفي الاخير قبل نزعها نعملوها كما الصورة التالية باش ايطيبو الجوانب
عد ما نكملو العجينة انفتتوها الى اجزاء صغيرة باش انسقيوها بالمرقة

تخضير المرق
قطع دجاج او لحم غنمي حبة بصلة كبيرة حبة طماطم 3 ملاعق اكل زيت ملعقة صغيرة فلفل اكحل ملعقة كبيرة كسبر يابس او كاين اللي يدير راس الحانوت و فلفل الحمر العكري حفنة حمص منقوع في الماء نهار قبل 2 ملاعق كبار طماطم 2 حبات جريوات 2 بطاطا
نضع المقدير في الطنجرة ما عدا البطاطا والجزر و الجريوات انلوحوهم في الاخر
انقليوها امليح حتى يدخل الحرور الحم ثم نضيف الماء تدريجيا حتى تتغطى جميع المكونات ونتركهم ايطيبو ثم انسقيو الشخشوخة هناك من يحب اضافة قطعة زبدة قبل الاكل وهي تاكل ساخنة وفي صحن واحد وكبير

ممممممممممممم الاخ سخف على الشخشوخة
انصحك خويا بزيارة بسكرة...اكيد اخت ليال تعرف طيبها
خويا لما تجهزو الشخشوخة البسكرية ماتنساوش=== عردوني هههههه

اممممممممممممممممم تشبه للمفرمسة السطايفية بصح هاذي شوية خشينة وهاهي ليكم المفرمسة السطايفية بنينة ثاني